Ноёб уч чўнтакли (3+1) кўп валютали банкнотларнинг эскирганлигини аниқлаш функциясига эга санаш-саралаш машинаси Magner 350N

Magner 350N  нақд пулларни тез санаш ва саралаш, турли валюталар ва номиналларни аниқ идентификациялаш ҳамда банкноталар ҳолатини текшириш имконини беради. Қалбаки пулларни аниқлашнинг юқори аниқлиги, юқори ишлов бериш тезлиги, тўртта чўнтакли тузилиш, эскирганлигини аниқлаш ва илғор саралаш сценарийлари ушбу қурилмани банклар ва инкассация компанияларининг марказий кассаларининг ажралмас қисмига айланади. Қурилма саноат даражасида нақд пулларни қайта санаш, текшириш ва боғламларга саралаш, банкомат кассеталарига пул тайёрлаш, муомалага яроқсиз банкнотларни аниқлаш имкониятига эга.

Magner 350N валюталарни, номиналларни таниб олиш ва қалбаки банкноталарни топишда банк даражасидаги аниқликни таъминлайди. Ишлаш ва аниқлик кучли процессор ва икки томонлама визуал тасвир сканери, инфрақизил ва ультрабинафша сенсорлар ва тўлиқ спектрли магнит сенсордан иборат юқори аниқликдаги модули томонидан амалга оширилади. Қурилма акс эттирилган ва ютиладиган инфрақизил ва ультрабинафша спектрдаги белгиларни ўқий олади, бу эса 20 хил валютадаги, жумладан, ўзбек сўмидаги банкнотларни аниқлаш имконини беради.

Сенсор кўрсаткичлари асосида Magner 250 банкноталарнинг турли хил шикастланишларини, масалан, ёпишган ленталар, эгилган бурчаклар, доғлар, йиртиқлар, тешиклар, ёзувлар ва бошқаларни аниқлай олади, бу сизга эскириш даражасини аниқлаш ва уларни банкоматбоп, яроқли ва яроқсиз гуруҳларга бўлиб саралаш имконини беради. 

Ишлаш ва созлашда қулайлик яратиш учун сараловчи эргономик 7 дюймли тўлиқ рангли сенсорли экран билан жиҳозланган. Тез навигация қилиш учун саналган банкнотлар сони ҳар бир қабул қилувчи чўнтак яқинидаги рақамли дисплейларда такрорланади. Батафсил ва интуитив менью сизга турли хил режимларни, банкнотларни валюта, номинал ва серия рақами бўйича таниб олиш ва саралашнинг аниқлигини батафсил созлаш имконини беради.

Тўртта чўнтак туфайли қурилма банкнотларни ёнма-ён ва жойлашуви бўйича саралашнинг кўплаб сценарийларини таклиф этади, бу банкнотларнинг эскириши бўйича параметрлари билан биргаликда банклар ва инкассация компаниялари талабларига мувофиқ нақд пул ўрамларини тезда шакллантириш имконини беради.

Magner 350N юклаш патниси 600 тагача, қабул қилувчи чўнтаклар эса 200 та банкнотни сиғдира олади, бу эса бир вақтнинг ўзида бир нечта параметрлар бўйича саралаш имкониятини беради. 100 та банкнота сиғимига эга қайтариш чўнтаги сохта, тўғри келмайдиган ёки шикастланган купюраларни осонгина аниқлайди ва ажратади, бу эса юқори ҳисоблаш тезлиги ва аниқлигини юзага келтиради.

Нақд пулни қайта ишлашнинг турли режимлари учун бир неча тезлик режимлари мавжуд, жумладан, оддий санаш учун тезлик дақиқасига 900 банкнотадан бошланади. Валюта, номинал, серия рақами, жойлашуви ёки эскирганлигини аниқлаш режимида қурилма дақиқасига 700 та банкнотни қайта ишлашга қодир.

Вариант сифатида сиз бир ёки иккита ташқи дисплейни, шунингдек, санаш натижалари ёки серия рақамлари рўйхати бўйича ҳисоботларни чоп этиш учун ташқи термопринтерни улашингиз мумкин.

Magner 350N  банкнотларини саралаш мосламаси Европа Марказий банки томонидан муваффақиятли синовдан ўтказилди ва фойдаланишга рухсат берилди. Бундан ташқари,  қурилма Cash Management.iQ дастурий платформаси билан бирлаштирилиши мумкин, бу нақд пулни бошқариш жараёнларини автоматлаштиради ва оптималлаштиради ҳамда пул оқимлари устидан кўпроқ назоратга эришилишига замин яратади. Энди журналларни доимий равишда қўлда юклаб олишингиз шарт эмас – Cash Management.iQ нақд пулни бошқариш модули автоматик равишда транзаксияларнинг тўлиқ статистикасини тўплайди ҳамда оператив ва асосли қарорлар қабул қилиш учун ҳисоботларни қулай шаклда тақдим этиш имконини беради.